Jalǵan aıǵaq bergen Tekeli turǵyny 5 jylǵa sottaldy
ASTANA. QazAqparat - Jalǵan aıǵaq bergen tekelilik áıel qylmystyq jaýapqa tartylyp, 5 jylǵa bas bostandyǵynan aıyrý jazasyna kesildi, dep habarlaıdy «QazAqparat» HAA Almaty oblystyq sotynyń baspasóz qyzmetine silteme jasap.
Sotta áıelge qatysty QR QK 420-babynyń 2-bóligi boıynsha qylmystyq is qaraldy. Ol kýáger retinde QR QK 287-babynyń 1-bóligi, 296-babynyń 4-bóligi, 297-babynyń 2-bóligine sáıkes aýyr qylmysqa qatysty qylmystyq is boıynsha kórineý jalǵan aıǵaq berdi dep aıyptaldy.
Kýáger sot otyrysynda aıybyn moıyndady. Ol 5 jyldyq jaza merzimin ortasha qaýipsizdik mekemesinde óteıdi.
QR Qylmystyq kodeksiniń 74-baby, 1-bóligine sáıkes, onyń kishkentaı balasy bolǵandyqtan, jazany óteýge kirisý merzimi 2 jylǵa shegerildi.
