«Jalǵan aqparat» úshin Coca-Cola kompanııasyn sotqa berdi
ASTANA. 11 qańtar. QazAqparat - Jemis shyryny men sýsyndaryn óndiretin POM Wonderful kompanııasy Coca-Cola-nyń Munite Maid bólimi shyǵaratyn alkogolsiz shyrynnyń etıketkasyndaǵy jalǵan aqparatqa baılanysty kompanııany sotqa berdi. Bul týraly Associated Press habarlady.
Buǵan «100% shyrynnan turady» dep jarnamalanyp júrgen «5 shyrynnan jasalǵan kokteıl: anar jáne kókjıdek» dep atalatyn sýsyn sebep bolǵan. Al bul sýsyn alma jáne júzim shyryndarynan jasalǵan eken. Quramynda anar men kókjıdek shyryny múldem joq. POM Wonderful ókilderiniń sózine qaraǵanda, bul tutynýshylardy sanaly túrde aldaý bolyp tabylady.
Ázirge Coca-Cola ókilderi bul jaǵdaıǵa túsinikteme jasaǵan joq.
