Jalǵan aqparat taratyp, dúrbeleń týǵyzatyndar zańǵa sáıkes jaýapqa tartylady – Toqaev
NUR-SULTAN. QazAqparat – Jalǵan aqparat taratyp, dúrbeleń týǵyzatyndar zańǵa sáıkes jaýapqa tartylady. Bul týraly elimizde tótenshe jaǵdaı engizilýine baılanysty televızııa arqyly úndeý jasaǵan Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Biz el-jurtty dúrliktiretin, arandatatyn áreketterge tyıym salamyz. Jalǵan aqparat taratyp, dúrbeleń týǵyzatyndar zańǵa sáıkes jaýapqa tartylady. Buqaralyq aqparat quraldary, ınternet-resýrstar tek resmı málimetterge súıenip, jumys isteýi kerek. Biz osy jahandyq keselge qarsy turý úshin kúsh-jigerimizdiń myqty ekenin kórsetýimiz qajet. Tatýlyq pen tutastyqtyń arqasynda kez kelgen qıyndyqtan shyǵýǵa bolady. Sondyqtan bárimiz bir adamdaı jumylyp, qaýipti indetpen kúresýimiz qajet. Bereke men birlik bárin de jeńedi», - dedi Qasym-Jomart Toqaev.
