Jalǵan aqparat taratýǵa qatysty 7 is sotqa jiberildi - Bas prokýratýra

ASTANA. QazAqparat – Bıyl elimizde əleýmettik jelilerde kórineý jalǵan aqparat taratýǵa qatysty sotqa deıingi 100 tergep-tekserý tirkeldi. Bul týraly Májilis depýtattarynyń saýalyna QR Bas prokýrory Berik Asylovtyń jaýabynda aıtylǵan, dep habarlaıdy QazAqparat tilshisi.

«Aqparattyq keńistiktiń monıtorıngin Aqparat jəne qoǵamdyq damý mınıstrligi júzege asyratynyna jəne jarııalanymdarda qylmystyq quqyqbuzýshylyqtar quramynyń belgileri anyqtalǵan jaǵdaıda olardy tergeý úshin Іshki ister mınıstrligine jiberetinin atap ótemiz. Osy jyldyń 9 aıynda kórsetilgen faktiler boıynsha ishki ister organdary QK-niń 274-babymen sotqa deıingi 100 tergep-tekserýdi tirkegen», - dedi QR Bas prokýrory.

Onyń dereginshe, 7 is sotqa jiberilip, 46 is (qylmystyq quqyq buzýshylyq quramynyń bolmaýyna baılanysty) toqtatyldy. 28 qylmystyq is boıynsha sotqa deıingi tergep-tekserý merzimderi úzilgen (qylmystyq quqyq buzýshylyq jasaǵan adam anyqtalmaǵan - 20 is, kúdikti, aıyptalýshy Qazaqstan Respýblıkasynan tysqary jerde bolýyna oraı - 2 is, saraptamaǵa baılanysty - 6 is), 19 is tergelýde.

«Osyndaı quqyqbuzýshylyqtardyń aldyn alý aıasynda Bas prokýratýra «Prokýratýra týraly» Zańnyń 31-baby tərtibinde osy jyly BAQ-ta eki ret úndeý jasady. Oonda ulttyq alaýyzdyqty qozdyrýǵa, separatızmdi nasıhattaýǵa jəne jalǵan habarlamalardy taratýǵa baǵyttalǵan quqyqbuzýshylyqtar úshin zańda belgilengen jaýapkershilik týraly eskertildi»,- dedi Berik Asylov.