Jalǵan aqparat taratqan mektep muǵalimi ustaldy
ALMATY OBLYSY. QazAqparat – Almaty oblysynda Uzynaǵash aýylynyń eki turǵynyn koronavırýs aýrýyna shaldyqqan dep qaýset shyǵarǵan áıel ustaldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe,
Almaty oblysy Jambyl aýdany Úmbetaly aýylynyń 31 jastaǵy R. esimdi azamaty WhatsApp jelisi arqyly jergilikti turǵyndar arasynda Qaınazar aýyly men Uzynaǵash aýylynda eki adam koronavırýs ınfektsııasyn juqtyrǵany týraly aýdıojazba taratqan. Bul aqparat messendjerdiń ózge toptary arasynda da tez tarady. Jalǵan aqparatty myńnan astam jergilikti turǵyn taratyp úlgergeni anyqtaldy.
Jalǵan aqparatty taratýshy birden anyqtalyp, ustaldy. Onyń Jambyl aýdany Úmbetaly aýylynyń 31 jastaǵy turǵyny ekendigi jáne jergilikti mektepterdiń birinde qazaq tili men ádebıeti pániniń muǵalimi bolyp jumys isteıtini anyqtaldy.
Jaýap alý barysynda muǵalim áıel óziniń koronavırýs týraly oılanbaı jalǵan aqparat taratqanyn tolyǵymen moıyndady.
Atalǵan derek boıynsha QR QK-niń 274-babynyń 4-bóligi boıynsha sotqa deıingi tergeý amaldary júrgizilýde. Ol 3-ten 7 jylǵa deıingi merzimge bas bostandyǵynan aıyrylýy múmkin.
