Jalǵan aqparat dárigerlerdiń jumysyna kedergi keltiredi – Almaty oblysynyń bas dárigeri
TALDYQORǴAN. QazAqparat – Turǵyndar arasynda taraıtyn jalǵan aqparat medıtsına mamandarynyń negizgi jumystaryna aıtarlyqtaı kedergi keltiredi. Bul pikirdi Almaty oblystyq densaýlyq saqtaý basqarmasynyń jetekshisi Baýyrjan Ysqaq bildirdi, dep habarlaıdy QazAqparat.
«Jalǵan aqparat dárigerlerdiń jumysyna aıtarlyqtaı kedergi keltiredi. Óıtkeni el arasynda densaýlyq saqtaý salasyna qatysty qandaı da bir áńgime shyqqan jaǵdaıda, biz ony tekserip, onyń qaıdan shyqqanyn anyqtap bilýimiz kerek. Óz kezeginde ol bizdiń osyǵan deıin atqarap tastaǵan jumysymyzdy qaıta qarap, tekserýge májbúrleıdi. ıAǵnı biz mamandardyń basym bóligin osy jumysqa tartamyz da, dárigerler atqarýy tıis negizgi jumystar keıingi qalady. Biz basqasha áreket ete almaımyz, óıtkeni biz taraǵan aqparattyń ras nemese jalǵan ekenin bilmeımiz. Al ony anyqtaýǵa óte kóp kóp ýaqyt ketedi. Sondyqtan men el azamattaryn tek tekserilgen resmı aqparattarǵa ǵana senýge shaqyramyn»,-dedi B.Ysqaq.
Aıta keteıik, jaqynda Almaty oblysy Jambyl aýdanyna qarasty Úmbetaly aýylynyń 31 jastaǵy turǵyny WhatsApp messendjeri arqyly Qaınazar men Uzynaǵash aýyldarynda eki adamnyń koronavırýs juqtyrǵany týraly aqparat taratqan.
Atalǵan fakti QR QK 274 baby, 4 bóligi boıynsha (Tótenshe jaǵdaı kezinde jalǵan aqparat taratý) sotqa deıingi óndiriske alyndy. Zańǵa sáıkes, mundaı jalǵan aqparat taratqan azamattyń 3-ten 7 jylǵa deıin bas bostandyǵyn shekteý nemese bas bostandyǵynan ajyratý sharasy qarastyrylǵan.
Hasan Espanov
