Jalǵan aqparat bergen nemese múlde bermegen memlekettik mekemeniń birinshi basshysy óz qaltasynan aıyppul tóleıdi

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Parlamenti Májilisiniń depýtaty Máýlen Áshimbaev aıtty.

«Ákimshilik quqyq buzýshylyq týraly» kodekste 30-dan 100 AEK-ke deıingi kólemde aıyppul qarastyrylǵan. Memlekettik organdar tarapynan jalǵan aqparat nemese sáıkesinshe aqparat berilmegen kezde memlekettik organnyń ózi emes, onyń laýazymdy tulǵalary aıyppul tóleıtin bolady. Óıtkeni, memlekettik organ aqshasy bıýdjet qarajaty, halyqtyń qarajaty», - dedi depýtat.

Sonymen qatar M.Áshimbaev aqparatqa qoljetimdiliktiń jańa zańnamasynda bıznes sýbektileriniń jaýapkershiligi qarastyrylǵanyn atap ótti.

«Eger olar bıýdjet qarajatyn paıdalanýǵa qatysty aqparattarǵa ıe sanatyna jatatyn bolsa jáne ony bermeıtin bolsa, onda olar da zańǵa sáıkes jaýapkershilikke tartylady. Bul rette sóz atalǵan qurylymdardyń, ıaǵnı, zańdy tulǵalardyń jaýapkershili jaıynda bolyp otyr», - dedi M.Áshimbaev.

Tolyqtaı alǵanda, onyń aıtýynsha, bul zań aqparatqa qoljetimdilikke, túrli málimetter alýǵa múmkindik beredi.

«Buǵan qosa, bul zań memlekettik shyǵystardy ońtaılandyrǵa múmkinshlik beredi dep kútip otyrmyz. ıAǵnı, barlyq bıýdjettik jobalar, qarjylyq turǵydaǵy barlyq jobalar týraly aqparattar qoǵamǵa qoljetimdi bolady», - dedi ol.