Jalǵan akkaýnttar men paraqshalar anyqtalyp jatyr: «Ádilet» partııasy málimdeme jasady
ASTANA. KAZINFORM - Áleýmettik jelilerde «Ádilet» partııasynyń ataýyn zańsyz paıdalanyp, ózin partııanyń resmı ókildigi retinde tanystyratyn jalǵan akkaýnttar men paraqshalar anyqtaldy, dep habarlaıdy partııanyń baspasóz qyzmeti.
Bul resýrstar arqyly partııalyq bıletter berý, partııa múshelerin tirkeý jáne partııanyń qyzmetine qatysty jalǵan aqparat taratylyp jatyr.
Atalǵan akkaýnttardyń «Ádilet» partııasyna eshqandaı qatysy joq ekenin resmı málimdeımiz. Olar arqyly taratylatyn kez kelgen aqparat shyndyqqa janaspaıdy.
Partııanyń tek resmı aqparat kózderine sený keregin eske salamyz: @adilet_partiyasy, t.me/adilet_partiyasy, adilet-partiyasy.kz.
Partııanyń ataýy men rámizderin zańsyz paıdalanǵany, sondaı-aq jalǵan aqparat taratyp, azamattardy jańylystyrǵany úshin Qazaqstan Respýblıkasynyń zańnamasynda jaýapkershilik kózdelgenin eskertemiz. Anyqtalǵan faktiler boıynsha materıaldar Qazaqstan Respýblıkasynyń zańnamasyna sáıkes tıisti sharalar qabyldaý úshin quqyq qorǵaý organdaryna joldandy.
-Azamattardan jeke derekterin beıtanys adamdarǵa bermeýdi jáne «Ádilet» partııasynyń resmı baılanys arnalaryna ǵana júginýdi ótinemiz,-delingen habarlamada.
Osyǵan deıin «Ádilet» partııasy sez barysynda Amanat partııasyn qosý týraly sheshimdi maquldaǵan bolatyn.
