Jalǵan advokat Shymkent turǵynynyń 7 mln teńgesin alyp ketti

 Jalǵan advokat Shymkent turǵynynyń 7 mln teńgesin alyp ketti, dep habarlaıdy Kazinform. 

Shymkentte jalǵan advokat óz qyzmetin 7 mıllıon teńgege baǵalaǵan. Oǵan sengen azamatsha aqysyn tolyq tólep, esesine eshqandaı zań kómegin almaǵan. Al qomaqty qarjyny ıelengen alaıaq baılanysqa shyǵýdy túbegeıli toqtatqan.

Jedel ýákilder izdestirý sharalary barysynda kúdiktiniń jeke basyn anyqtady. Ol Túrkistan oblysynyń turǵyny bolyp shyqty. Qazirgi tańda sotqa deıingi tergep-tekserý amaldary júrgizilip jatyr.

«Jergilikti turǵynnyń aryzyna sáıkes alaıaqtyq faktisin tirkeý, tergeý amaldary júrgizildi. «Ózin advokat retinde tanystyryp, burynǵy kúıeýinen balany asyraýǵa alıment óndirip beremin» dep ýáde etken er adam ustaldy. Tártip saqshylary mundaı qylmystardyń qurbany bolmas úshin beıtanys adamdarǵa senbeýdi jáne aqsha bermeýdi eskertedi» - delingen Shymkent qalasy polıtsııa departamentiniń baspasóz qyzmeti taratqan aqparatta.