Jalǵa berý baǵdarlamasy aıasynda 2 myń 919 azamat páter alýǵa usynys bergen
ASTANA. Sáýirdiń 24-i. QazAqparat /Qanat Mámetqazyuly/ - «Samuryq-Qazyna» jyljymaıtyn múlik qorynyń Jalǵa berý baǵdarlamasy boıynsha sáýirdiń 8-i men 22-si aralyǵynda 2 myń 919 azamat páter alýǵa usynys berdi.
Bul týraly QazAqparat Qordyń baspasóz qyzmetine silteme jasap habarlaıdy.
Toqtala ketetin jaıt, jaqynda «Samuryq-Qazyna» jyljymaıtyn múlik qory Turǵyn úı komıssııasynyń otyrysy ótken. Jıynnyń maqsaty-páterlerdiń ádil ári ashyq túrde bólinýin jáne Basqarýshy kompanııaǵa kelip túsetin jáne tirkeletin ótinishterdiń Erejege saı júzege asyrylýyn qadaǵalaý úderisin qamtamasyz etý. Azamattardy qabyldaýdy júıeli jáne tıimdi etý maqsatynda Turǵyn úı komıssııasy men onyń Tóraǵasy «TurǵynÚıQurylysJınaqbankiniń» ótinish ıelerimen jumysyn jetildirý úshin arnaıy is-sharalar josparyn uıymdastyrý joldaryn qarastyrýda.
«Samuryq-Qazyna» jyljymaıtyn múlik qory» Jalǵa berý baǵdarlamasy aıasynda sáýirdiń 8-i men 22-si aralyǵynda 2 myń 919 azamat páter alýǵa usynys túsirdi. Operatsııalyq úderisti jáne ótinishterdi qarastyrýǵa qatysty uıymdastyrýshylyq sharalaryna saı Basqarýshy kompanııanyń Aqparattyq ortalyǵynda 2 myń 594 adamǵa keńes berildi. Saıtqa kirýshilerdiń sany da bul kúnderi artyp, 19 myń 555 adamǵa jetip otyr. «TurǵynÚıQurylysJınaqbankiniń» Astana qalasyndaǵy bólimshelerinde 558 adamnan ótinish qabyldanyp, onyń ishinde 102 ótinish «Aqjaıyq» keshenine, 7 ótinish Biregeı Aktsıoner kvotasy aıasynda, al 29 ótinish «Ál Arqa keshenine» tirkelgen. Buǵan qosa, azamattardan ótinishteri men shaǵymdardy qabyldaý úshin : 8 (800)-080-30-00 senim telefony iske qosyldy», delingen baspasóz baıanynda.
