Jalǵa berilgen memlekettik turǵyn úıdi satyp alýǵa bola ma

Jaqynda memlekettik baǵdarlamalar boıynsha jalǵa berilgen turǵyn úıdi satyp alý múmkindigi týraly aıtyldy. Osy oraıda Ónerkásip jáne qurylys mınıstri Qanat Sharlapaev turǵyn úıdi jekeshelendirýdiń qandaı tetikteri qarastyrylyp jatqanyn aıtty, dep habarlaıdy Kazinform. 

«Zańnamalyq túzetýler engizilgennen keıin Úkimette tanystyryldy. Búginde Májilis qaraýyna jiberildi. Mınıstrliktiń normatıvtik-quqyqtyq bazasynda zańnamalyq ózgerister men zańnamalyq túzetýler bar. Atalǵan múmkindikke aldymen sol jalǵa berilgen páterlerde turyp jatqandar ıe bolady. ıAǵnı 5 jyl boıy turyp, jalǵa berilgen turǵyn úıdi satyp alýǵa úmitker bola alady», - dep túsindirdi Qanat Sharlapaev vedomstvoda ótken baspasóz máslıhatynda.

Onyń aıtýynsha, qazir turǵyn úıdi balanstyq qun boıynsha satyp alýdy qamtamasyz etý baǵytynda jumystar júrip jatyr.

«Ázirge bul mehanızmniń túpkilikti iske asýy týraly aıtýǵa áli erte. Biz zańdy Májilistiń qaraýyna jiberdik. Bul túzetý Májiliste qoldaý tabady dep senemin jáne biz osy páterlerde turatyn adamdarǵa tolyqqandy ıelenýge múmkindik bere alamyz», - dedi Q.Sharlapaev.