Jalǵa beriletin jer aýmaǵynyń eń joǵary mólsheri belgilenedi
Jerdi jalǵa berýdiń eń joǵarǵy mólsherin belgileý QR Jer kodeksine ózgerister engizý boıynsha jańa zań jobasynda qarastyrylǵan.
AShM ókilderiniń aıtýynsha, sandar ǵylymı negizdelgen bolýy tıis, sol sebepti joǵarǵy mólsherdi anyqtaý ádistemesin ázirleýge tender jarııalanǵan. Esepter men formýlalar óńirdiń ereksheligi men halyqtyń áleýmettik jaǵdaıyna baılanysty júzege asyrylmaq.
«Bul mólsherlerdi anyqtaý boıynsha usynystar jergilikti atqarý jáne ókildik organdarynan túsedi. Olar óz usynystaryn Úkimetke jiberedi, Úkimet sol usynystar negizinde paıdalanylatyn jerdiń túrleri boıynsha eń joǵarǵy mólsherdi bekitedi. Barlyq ákimshilik aýdandar boıynsha: barlyq 14 oblys, 161 aýdannyń árqaısysynda jeke joǵary mólsher bolady»,- dep habarlady QR AShM Jer resýrstaryn basqarý komıtetiniń Jer qatynastary men jerge ornalastyrýdy damytý basqarmasynyń basshysy Janar Qarjanova Ortalyq kommýnıkatsııalar qyzmetindegi baspasóz konferentsııasynda.
Atap ótken jón, zań jobasynda qazaqstandyqtarǵa aýyl sharýashylyǵy jerlerin konkýrstyq negizde jalǵa berý kózdelgen. Sondaı-aq, Memlekettik shekara beldeýinde jáne shekara aımaǵynda ornalasqan jerlerdi tek jergilikti turǵyndarǵa ǵana jalǵa berý, sheteldikterge, qazaqstandyq kompanııalarǵa jalǵa berýge tyıym salý josparlanyp otyr.
