Jalǵa beriletin úılerge tapsyrylatyn qujattardy e-júıesi arqyly jınaý kózdelip otyr
ASTANA. 31 shilde. QazAqparat - Qazaqstanda jalǵa beriletin úılerge muqtaj azamattardy esepke qoıýdyń standarty jasalýda jáne osy standarttyń aıasynda elektrondyq qujattar aınalymyn birtindep engizý qarastyrylýda,
dep habarlady Qurylys jáne TKSh isteri jónindegi agenttiginiń turǵyn úı sharýashylyǵy departamentiniń dırektory Vasılıı Maslov Pm.kz saıtyna bergen suhbatynda.
«Memlekettik qyzmetter kórsetýdiń aıasynda biz jalǵa beriletin turǵyn úılerge muqtaj azamattardy esepke qoıýdyń memlekettik standartyn jasap otyrmyz jáne onyń aıasynda qujattar tizbesimen qosa qujattar aınalymynyń yqpaldasqan elektrondyq júıesin birtindep engizý qarastyrylýda»,- dedi Vasılıı Maslov.
Departament dırektorynyń aıtýynsha, jalǵa beriletin baspanaǵa muqtaj azamattarǵa arnalǵan qujattardyń kólemdi tizbesin qamtıtyn bul standartty iske asyrý memlekettik vedomstvolardyń arasynda qujattar aınalymynyń elektrondyq júıesin birtindep engizýge múmkindik beredi.
«Osy standart júzege asyrylǵannan keıin, ár azamat óz aıaǵymen kelip, tek aryz jazsa boldy. Ári qaraı qujattar kompıýterlik júıe arqyly jınalatyn bolady»,- dep habarlady V.Maslov.
Aıta ketý kerek, memlekettik standartty engizý memlekettik jalǵa beriletin baspanaǵa muqtaj jáne úmitker azamattardy esepke qoıý rásimin edáýir jeńildetedi jáne memlekettik qyzmet kórsetýdiń sapasyn jańa deńgeıge kóteredi.
