Jalǵa beriletin úılerdi salýǵa bólinetin qarjy mardymsyz - S.Nokın
ASTANA. 24 qańtar. QazAqparat /Aıdar Ospanalıev/ - Turǵyn úı eldegi eń kúrdeli máselelerdiń biri. «Memlekettik baǵdarlama» ótken jyly aıaqtaldy.
Endi eldegi jalǵa beriletin úıler salynady. Biraq bul baǵytqa bólinetin qarjy mardymsyz. Bul týraly búgin Parlament Májilisinde ótken Úkimet otyrysynda Qurylys jáne turǵyn úı - kommýnaldyq sharýashylyq isteri agenttiginiń tóraǵasy Serik Nokın málim etti.
Onyń sózine qaraǵanda, 10 mıllıard teńge degen múldem az aqsha. Ol nebári 1 ǵana úıdiń quny desek artyq aıtqandyq emes. «Bul máseleni biz jylda kóterip júrmiz. Bıyl da kótergimiz keledi. Ekinshiden, biz jýyq arada «Turǵyn úı jınaq bankimen» jańa joba bastaǵaly otyrmyz. Osy bank arqyly 20 mıllıard 800 myń teńge bólý qarastyrylyp otyr. Sony biz ilki joba etkeli otyrmyz. Sol arqyly turǵyn úı máselesin sheshýge kúsh salyp kórmekpiz. Bul jobada jas otbasy, bıýdjet qyzmetkeri degen sııaqty talaptar qoıylmaıdy. Ol kez kelgen dárejedegi azamatqa qoljetimdi. Bul rette qoıylatyn bas talap úı alǵysy keletin adam «Turǵyn úı qurylys jınaq bankiniń» klıenti bolýy kerek»,-dedi S.Nokın.
