Jalǵa beriletin turǵyn úı baǵdarlamasy aıasynda qujattardy qabyldaýdyń qosymsha bólimshesi ashylady
ASTANA. Sáýirdiń 30-y. QazAqparat /Qanat Mámetqazyuly/ -Búgin sáýirdiń 30-ynda «Samuryq-Qazyna» Jyljymaıtyn múlik qory» AQ-nyń Jaldamaly múlik baǵdarlamasy aıasynda ótkiziletin úı-jaılarǵa jaldaý aqysynyń joǵary somasyn esepteýge tapsyrylatyn qujattardy qabyldaýdyń qosymsha bólimshesi ashylady,
dep habarlaıdy QazAqparat.
«Samuryq-Qazyna» jyljymaıtyn múlik qory» AQ-nyń Jaldamaly múlik baǵdarlamasy aıasynda jáne jaldaý arqyly páterlerdi satyp alýdy qalaıtyn azamattardyń sanynyń artýyna oraı Jyljymaıtyn múlik qorynyń Turǵyn-úı komıssııasynyń keńesi boıynsha jaldaý aqysynyń maksımaldy somasyn esepteýge tapsyrylatyn qujattardy «JMQ Menedjment» JShS basqarýshy kompanııasynyń aqparattyq ortalyǵynda qabyldaýdyń múmkindigin uımdastyrý qarastyryldy. Qujattardy qabyldaý qosymsha «Qazaqstannyń Turǵyn Úı Qurylys Jınaq Banki» AQ-nyń menedjerlerimen 2010 jyldaǵy sáýirdiń 30 men mamyrdyń 5 aralyǵynda Orynbor kósh,21/1 «Aqjaıyq» turǵyn-úı kesheni, basqarýshy kompanııasynyń aqparattyq ortalyǵy, № 3 keńsesinde júzege asyrylady», delingen baspasóz qyzmeti taratqan málimette.
Jaldaý aqysynyń maksımaldy somasyn esepteý úshin qabyldanatyn qujattar «Qazaqstannyń Turǵyn Úı Qurylys Jınaq Banki» AQ-nyń bólimshelerinde myna telefondar jáne meken-jaı arqyly júrgiziletinin eske salamyz: Abaı kósh., 8, +7 (7172) 40-72-77, 40-75-74 jáne Qajymuqan kósh, 12 «A», +7 (7172) 36-19-20, 36-19-07
Baǵdarlama jaıynda tolyq aqparatty www.kazproperty.kz saıtynda alýǵa bolady.
Sonymen qatar, azamattardyń shaǵymdary men usynystaryn qarastyrý maqsatynda senim telefony ashyldy: 8 (800)-080-30-00.
