Jalǵa alý qymbattap, satý tómendedi: baspana naryǵynda qandaı ózgeris bar

ASTANA. KAZINFORM — Mamyr aıynda turǵyn úıdi alyp-satý boıynsha 33 986 mámile tirkelgen, onyń ishinde jeke úıler boıynsha – 7 745 jáne kóppáterli úılerdegi páterler boıynsha – 26 241 mámile jasaldy. 

2025 jyldyń sáýirimen salystyrǵanda (36 839) turǵyn úıdi satyp alý-satý mámileleriniń sany 7,7% azaıǵan. Mámileler sany boıynsha Almaty (7 161 — 21,1%) jáne Astana (6 077 — 17,9%) qalalary, sonymen qatar, Qaraǵandy oblysy (2 654 — 7,8%) kósh bastap tur. Mámileler sany Ulytaý oblysynda eń az — 312 mámile (0,9%).

— 2025 jyldyń sáýirimen salystyrǵanda mamyrda mámilelir sanynyń eń kóp ósimi Abaı (+11,4%) oblysynda jáne Almaty (+2%) qalasynda tirkeldi. Al bir aıdaǵy eń kóp tómendeý Ulytaý (-31,3%), Shyǵys Qazaqstan (-18%) jáne Atyraý (-17,8%) oblystarynda boldy.

2025 jyldyń sáýirimen salystyrǵanda, kóppáterli úılerdegi turǵyn úı mámileler sany 8,5% (2 423 mámilege) azaıdy. Mamyrda páterler boıynsha barlyǵy 26 241 mámile jasaldy, bul mámilelerdiń jalpy sanynyń 77,2%. Kóppáterli úılerdegi turǵyn úı saýdasynyń negizgi úlesi Almaty (25,1%), Astana (22,6%) qalalaryna jáne Qaraǵandy oblysyna (7,9%) tıesili. Bólmeler sany boıynsha 1 bólmeli páterler satylymy basym boldy, 2025 jyldyń mamyr aıynda olar boıynsha 10 168 mámile resimdelgen, — delingen habarlamada.

2025 jyldyń sáýir aıymen salystyrǵanda mamyrda jeke turǵyn úıler boıynsha mámileler sany 5,3% (430 mámilege) azaıdy. Mamyrda barlyǵy 7 745 mámile tirkelgen. Jeke turǵyn úıler boıynsha mámileler sanynyń eń kóp ósimi Qaraǵandy (+18,3%), Jambyl (+10,6%) jáne Almaty (+7,1%) oblystarynda baıqaldy. Al bir aıdaǵy eń kóp tómendeý Ulytaý (-27,6%) jáne Jetisý (-24,7%), Qyzylorda (-24,1%) oblystarynda.

2025 jylǵy mamyrda turǵyn úıdi satyp alý-satý mámileleri byltyrǵy tıisti aımen salystyrǵanda 9,4% kóbeıgen, ol kezde 31 071 mámile resimdelgen bolatyn. Mámileler sanynyń eń joǵarǵy ósimi Almaty oblysynda (45,3%) baıqaldy, eń úlken tómendeý — Atyraý oblysynda (14%). 2025 jyldyń qańtar-mamyr aılaryndaǵy mámileler sanyn 2024 jylǵy tıisti kezeńmen salystyrǵandaǵy ósim — 5%.

— Bir jylda (2025 jylǵy mamyr 2024 jylǵy mamyrǵa) jańa turǵyn úılerdi satý baǵasy 8,7%, qoldanystaǵy páterlerdiki 6,3% joǵarylady. Abattandyrylǵan turǵyn úıdi jalǵa alý tólemi 9,4% ósti.

Óńirler bólinisinde jańa úıler naryǵynda jyldyq mánde baǵa Pavlodar qalasynda — 22,6%, Almaty qalasynda — 12,7% edáýir qymbattady. Qoldanystaǵy páter naryǵynda baǵa Aqtóbe (17,6%), Pavlodar (13,3%), Almaty (12,9%) qalalarynda aıtarlyqtaı ósken (12,7%), al turǵyn úıdi jalǵa alý naryǵynda ósim Aqtóbe (27,6%), Semeı (22,2%), Kókshetaý (21,6%) jáne Astana (21,5%) qalalarynda baıqalǵan.

Bir aıdyń ishinde (2025 jylǵy mamyr 2025 jylǵy sáýirge) jańa turǵyn úıdi satý baǵasy 0,7% joǵarylasa, páterlerdi qaıta satý 0,3% tómendegen. Abattandyrylǵan turǵyn úıdi jalǵa alý tólemi bir aıdyń ishinde 1,4% arzandaǵan, — delingen habarlamada. 

Aıta ketelik muqtaj jandarǵa baspana bólý nelikten ákimdikten «Otbasy bankke» ótkeni týraly jazǵan edik.