Jaldamaly páterlerde 500-ge jýyq ury turǵan - ІІM
ASTANA. QazAqparat - ІІM 2016 jyly jaldamaly páterlerde turyp, múlikti tonaýmen aınalysqan basqa qalalyq «gastroler-urylardy» ustaý maqsatynda ótkizilgen jedel-izdestirý jáne arnaıy is-sharalarǵa saraptama jasady. Bul týraly vedomstvonyń baspasóz qyzmeti habarlady.
2016 jyly respýblıkadaǵy polıtsııa qyzmetkerleri jaldamaly páterler men qonaq úılerde turyp, múlikti qoldy etýge qatysty 830 qylmys jasaǵan 497 «gastroler-uryny» ustady.
Aqmola oblysynyń 54 jastaǵy turǵynynyń Astanada turyp, 5 qarashadan 7 jeltoqsanǵa deıin 6 ret urlyq jasaǵany dáleldendi.
37 jasar Shyǵys-Qazaqstan oblysynyń turǵyny 20-qyrkúıekten 25-qarasha aralyǵynda Astana qalasynyń Abylaı han dańǵylynda páter jaldap, 5 ret bireýdiń múlkin qoldy etkeni úshin tutqyndaldy. Qazirgi tańda tergeý jumystary júrgizilýde.
