Jaldamaly páterdi saýdaǵa aınaldyrǵan kókshetaýlyq ustaldy
KÓKShETAÝ. QazAqparat - Kókshetaýda alaıaq jyljymaıtyn múlikti jalǵa alyp, ony basqa adamdarǵa uzaq ýaqytqa qaıta jalǵa berip otyrǵan, dep habarlaıdy QazAqparat tilshisi Aqmola oblystyq ІІD baspasóz qyzmetine silteme jasap.
Vedomstvonyń aqparaty boıynsha, 25 shildede Kókshetaý qalalyq ІІB-ge páter alaıaǵynyń áreketinen zardap shekken úsh azamat shaǵym túsirgen. Zerendi aýdanynda turatyn páter ıesi onyń qaıtys bolǵan ulyna tıesili páterdi Kókshetaý turǵynyna jalǵa bergen. Alaıaq birneshe kúnge jalǵa alǵan páterin basqa alamdarǵa uzaq ýaqytqa jalǵa berip aldaǵan.
«Alǵashqyda alaıaq áıel Kókshetaý turǵynyna jyljymaıtyn múlikke eki aıǵa qosalqy jalǵa bergen. Odan jalǵa alý týraly shart jasamaı, 80 myń teńge somasynda aldyn ala tólem alǵan. Keıin biraz ýaqyt ótken soń páterdi basqa azamatshaǵa 3 aıǵa jalǵa bergen. Sondaı-aq, odan da kelisim jasamaı, 128 myń teńge alǵan», - dedi vedomstvoda.
Kúdiktige QR QK 190-baby 1-bóligi boıynsha aıyp taǵylyp otyr.
