Jaldamaly páterde turǵan: Qostanaıda joǵalyp ketken 18 jastaǵy jigit tabyldy

QOSTANAI. QazAqparat – Joǵalyp ketken jigitti polıtsııa bólimshesine aǵasy alyp keldi, dep habarlaıdy QazAqparat tilshisi Qostanaı oblystyq polıtsııa departamentine silteme jasap.

Polıtsııanyń habarlaýynsha, Danıel Tarasevıchti bólimshege 10 naýryzda túnde aǵasy alyp kelgen.

Belgili bolǵandaı, jigit osy ýaqytqa deıin jaldamaly páterlerde túnegen, keıinnen aǵasyna ózi barǵan.

Danıeldiń jaǵdaıy jaqsy.

Eske sala keteıik, buǵan deıin 18 jastaǵy qostanaılyqty eriktiler men polıtsııa izdestirip jatqany habarlanǵan bolatyn.