Jaldamaly páter alǵan jastar basqa baǵdarlamalarǵa qatysa almaıdy
«Osy baǵdarlama arqyly jastar jaldamaly úıdi alyp jatsa, ol úmitker baspana boıynsha eki tizimde bola almaıdy. ıAǵnı, ol baspana boıynsha basqa kezekten shyǵarylady. Jaldamaly úıge ıe bolǵan azamat «7-20-25» sekildi nemese basqa da ákimdiktiń baǵdarlamasynda tursa, olardan avtomatty túrde alynyp qalady. Tek bir tizimde bolady», - dedi Aqparat jáne qoǵamdyq damý mınıstrliginiń Jastar jáne otbasy isteri boıynsha komıtet tóraǵasynyń orynbasary Shahmardan Baımanov elorda ákimdiginiń baspasóz ortalyǵyndaǵy brıfıngte.
Aıta ketsek, 5-10 qarasha aralyǵynda elordada jumys isteıtin jastardan satyp alý quqyǵynsyz jaldamaly páter boıynsha ótinish qabyldanady. Ótinish tek elektrondy túrde Smart Astana portaly arqyly qabyldanady.
Nur-Sultanda bıyl bir jáne eki bólmeli 1050 páter beriledi (30-70 sharshy metrge deıin). Qurylys basqarmasynyń málimeti boıynsha, jastarǵa 202 eki bólmeli jáne 848 bir bólmeli páter tapsyrylady.
Aıta ketsek, Jastar jylyna oraı Elbasynyń tapsyrmasymen QR Aqparat jáne qoǵamdyq damý mınıstrligi memlekettik organdarmen birlese otyryp, Nur-Sultan, Almaty jáne Shymken qalalarynda jumysshy jastarǵa turǵyn úıdi berý boıynsha erejelerdi bekitken bolatyn. Atalǵan buıryqty QR Tuńǵysh Prezıdenti N.Á.Nazarbaev 2019 jyldyń 23 qańtarynda Jastar jylynyń ashylý saltanatynda bergen edi.
