Jaldamaly qyzmetkerlerdiń sany 5,8 mln. adamdy qurap otyr
ASTANA. 12 aqpan. QazAqparat - Respýblıka ekonomıkasynda 2013 jylǵy qańtarda (baǵalaý boıynsha) 8,5 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 57,0 myń adamǵa nemese 0,7%-ǵa kóbeıdi. Jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynan 68,8%) qurady.
QR Statıstıka agenttiginiń málimetine qaraǵanda, 2013 jylǵy qańtarda jumyssyzdar sany, baǵalaý boıynsha 488,1 myń adamdy, jumyssyzdyq deńgeıi 5,4% qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy qańtar aıynyń sońyna 47,9 myń adam («Jumyspen qamtý baǵdarlamasy-2020» qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,5%-yn qurady (2012j. qańtarda - 0,5%).
2013 jylǵy qańtarda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4%-yn qurady.
