Jaldamaly qyzmetkerlerdiń sany 5,8 mln. adamdy qurady - QR Statıstıka agenttigi

ASTANA. 12 maýsym. QazAqparat - Respýblıka ekonomıkasynda 2012 jylǵy mamyrda (baǵalaý boıynsha) 8,5 mln. adam jumyspen qamtyldy.

QR Statıstıka agenttiginiń málimetinshe, ótken jylǵy sáıkes kezeńge qaraǵanda olardyń sany 294,9 myń adamǵa nemese 3,6 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,8 mln. adamdy (jumyspen qamtylǵandardyń jalpy sanynan 68,1 paıyzdy) qurady.

2012 jylǵy mamyrda jumyssyzdar sany, baǵalaý boıynsha, 473,6 myń adamdy, ıaǵnı jumyssyzdyq deńgeıi 5,3 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2012 jylǵy mamyr aıynyń sońyna 70,5 myń adam («Jumyspen qamtý -2020 baǵdarlamasyna» qatysatyndardy qospaǵanda) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,8 paıyzyn qurady (2011j. mamyrda - 0,8%).

2012 jylǵy mamyrda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,3 paıyzyn qurady.