Jalańtós bahadúrdiń 440 jyldyǵyna tarıhı-tanymdyq konferentsııa arnaldy
QYZYLORDA. QazAqparat - Jalańtós bahadúr Seıitqululynyń 440 jyldyq mereıtoıyna oraı Qazalyda «Jalańtós bahadúr - Turan órkenıetiniń uly perzenti» atty tarıhı-tanymdyq konferentsııa ótti, dep habarlady QazAqparat Qazaly aýdandyq ákimdigine silteme jasap.
Shara barysynda «Rýhy asqaq uly tulǵa» atty kitap kórmesi uıymdastyrylyp, qundy maǵlumattar berildi. Aýdandyq mádenıet jáne tilderdi damytý bóliminiń basshysy Tolybaı Júsipov batyrdyń erligi men ómirin nasıhattaı kele, jastardyń patrıottyq sezimin oıatý baǵytyndaǵy sharanyń mańyzyna toqtaldy.
Konferentsııany Qarasheńgel aýyldyq okrýginiń ákimi Almat Ábilhan qorytyndylap, Jalańtós Bahadúrdiń eren erligi óshpes ónege, ólmes mura retinde keıingi urpaqtyń jadynda máńgi qalatynyn aıtty.
