Jalalabadta tótenshe jaǵdaı engizildi
BІShKEK. Mamyrdyń 19-y. QazAqparat /Evgenıı Novıkov/ - Búgin keshke Qyrǵyzstannyń Jalalabad aýdany turǵyndary arasyndaǵy qaqtyǵystardyń toqtamaýyna baılanysty azamattardyń qaýipsizdigin qamtamasyz etý úshin jáne jaǵdaıdyń tezirek turaqtalýy úshin QR ýaqytsha úkimeti sol jerde tótenshe jaǵdaı jarııalaý týraly dekret qabyldady.
Májbúrli shekteýler Jalalabadtyń ózinde jáne Sozaq aýdanynda saǵat 20.00-den 06.00-ge deıin belgilengen komendanttyq saǵatpen 2010 jylǵy maýsymnyń 1-ine deıin kúshinde bolady.
Osyǵan baılanysty QR ishki ister mınıstriniń qyzmetin atqarýshy Baqytbek Álimbekov tótenshe jaǵdaı kezeńinde Jalalabadtyń komendanty bolyp taǵaıyndaldy.
Sonymen qatar ońtústik aımaq boıynsha ýaqytsha úkimettiń arnaıy ókili jáne qorǵanys mınıstri Ismaıyl Isaqov pen B.Álimbekovke Qyrǵyzstan Respýblıkasynyń «Tótenshe jaǵdaılar týraly» zańyna sáıkes quqyq qorǵaý organdary jáne ishki áskerdiń qajetti quraldary men kúshin qoldana otyryp adamdardyń ómirine qaýip tóndiretin tártipsizdikterdi toqtatyp, olardyń zardabyn joıý úshin túbegeıli sharalardy qoldaný tapsyryldy.
