Jalalabadta, Qyrǵyzstannyń ońtústiginde taǵy da jappaı tártipsizdikter oryn aldy
BІShKEK. Mamyrdyń 19-y. QazAqparat /Evgenıı Novıkov/ - Búgin Jalalabadta qyrǵyz jáne ózbek ulty ókilderiniń jappaı qaqtyǵysýy oryn aldy. Sońǵy málimetter boınsha, tártipsizdikter kezinde 62 adam zardap shekken, onyń 2-ýi qazaǵa ushyraǵan.
Qyrǵyz Respýblıkasynyń ýaqytsha úkimeti quqyq qorǵaý organdarynyń málimetterine súıene otyryp, arandatýshy elementterdiń búgingi áreketterin Bishkektegi, Oshtaǵy jáne Jalalabadtaǵy osy jylǵy mamyrdyń 12-si,13-i jáne 14-i kúnderindegi «bakıevtik» kúshterdiń bas kóterýlerimen tyǵyz baılanysta qarastyrady.
Ýaqytsha úkimettiń málimdemesinde bylaı delingen: «...Talasta, Bishkekte jáne Jalalabadta birneshe ret Qyrǵyzstannyń kinásiz azamattarynyń qanyn tókkenmen, ornynan túsken prezıdent Bakıevtiń jaqtastary Qyrǵyzstan halqyn qorqyta almady. Endi olar bılikti qaıtaryp alý úshin eń qaýipti shekke jetti. Bul arsyz adamdar ózderiniń qandy oıynyn ultaralyq negizge kóshirip, ulysaralyq qaqtyǵysty órshitýde.
Búgingi Jalalabadtaǵy oqıǵalardyń aldynda burynǵy rejimniń quıyrshyqtary tarapynan ultaralyq alaýyzdyqty tutandyrýǵa baǵyttalǵan birqatar arandatýshylyqtar áreketter bold. Olarǵa dem berýshilerdń arasynda basqa elderge ketip ózin qaýipsiz sezingender de bar. Áýeli Maevkada, endi Jalalabadta bizdiń otandastarymyz mert boldy. Alaıda biz kópultty Qyrǵyzstannyń dana halqy bul oqıǵanyń basqa aýdandarǵa, qalalalarǵa jáne oblystarǵa taralýyna jol bermeıdi dep senemiz».
Qyrǵyz Respýblıkasynyń ýaqytsha úkimeti, Jalalabad qalasynyń jáne búkil Qyrǵyzstan turǵyndaryn arandatýshylyqqa boı aldyrmaýǵa shaqyrdy.
Eldiń jańa bıliginiń málimdemelerine qaraǵanda, janjaldy retteýge jáne toqtatýǵa kúsh pen quraldar jetkilikti. Jalalabadqa úkimet músheleri, kúsh-qýat qurylymdarynyń basshylary attandyryldy. Komendanttyq saǵatty jáne basqa da shekteýlerdi engizýdiń qajettigi máseleleri zerdelenýde.
Qazirgi kezde qaladaǵy jaǵdaı azdap tynyshtandy. Quqyq qorǵaý organdary qarsylasqan taraptardy aıyrdy.
