Jalal-Abadtaǵy jer silkinisinen eki turǵyn úı men mektepke zaqym kelgen

ASTANA. KAZINFORM – Jalal-Abadtaǵy jer silkinisinen keıin Qyrǵyzstannyń azamattyq qorǵanys qyzmeti qıraǵan jerler týraly aqparat taratty, dep habarlaıdy Kazinform 24.kg saıtyna silteme jasap.

Qyrǵyzstan Respýblıkasy Tótenshe jaǵdaılar mınıstrliginiń málimetinshe, saǵat 21.00-degi jaǵdaı boıynsha Bazar-Qorgon aýdanyndaǵy Arstanbap-Ata aýylynda eki turǵyn úı zaqymdanyp, Sozaq aýdany, Qyz-Qola okrýgindegi A.Japarbaev atyndaǵy mekteptiń sport zalyndaǵy qabyrǵalarda jaryqtar paıda bolǵan. 

Qazirgi ýaqytta Qyrǵyzstandaǵy Azamattyq qorǵanys qyzmeti túsindirý jumystaryn júrgizip jatyr. 

Eske sala keteıik, buǵan deıin Qyrǵyzstandaǵy jer silkinisi Qazaqstannyń úsh aýmaǵynda sezilgenin habarlaǵan edik.