Jalaqysynyń azdyǵyna shaǵymdanǵan mınıstr jumysynan ketti
ASTANA. QazAqparat - Brıtanııada Afrıka isteri boıynsha mınıstr Mark Sımmonds jalaqysynyń az bolýyna baılanysty jumystan ketti. Onyń bir jyldyq tabysy 120 myń fýntty (200 myń dollar) quraıdy.
Sheteldik basylymnyń jazýynsha, Sımmondstyń bir jyldyq jalaqysy 84 435 fýnt (150 myń dollar) bolǵan. Sondaı-aq memleket onyń jalǵa alǵan páterine jyl saıyn 27 875 fýnt (47 myń dollar) tólep otyrǵan.
Sheneýniktiń aıtýynsha, ol Londonda qonaqúıde turýǵa májbúr, al otbasyna qaladan 100 shaqyrym qashyqtyqta úı jaldaǵan. Al barlyǵy birge bólingen qarajatqa astanada turý, onyń oıynsha, múmkin emes.
Ulybrıtanııanyń Premer-mınıstri Devıd Kemeron Sımmondstyń otstavkasyna qol qoıdy.
