Jalaqysy joǵary salalar anyqtaldy - SQO
PETROPAVL. QazAqparat - Soltústik Qazaqstan oblysynda úshinshi toqsandaǵy ortasha aılyq jalaqy mólsherin eseptep shyqty, dep habarlaıdy QazAqparat tilshisi.
Statıstıka departamentiniń aqparatyna qaraǵanda, óńirdegi bir jumysshynyń ortasha aılyq jalaqysy 110 853 teńge aınalasynda bolǵan. Byltyrǵy úshinshi toqsanmen salystyrǵanda, nomınaldy jalaqy ındeksi 103,5%, al naqty jalaqy ındeksi 98,2%-dy quraǵan.
Statıstıka departamenti ókilderiniń aıtýynsha, óńirde eń joǵary jalaqyny taý-ken ónerkásibi jáne ken paıdalaný salasyndaǵy jumysshylar alady. Olardyń ortasha aılyq jalaqysy 296 242 teńgeni quraıdy, ıaǵnı oblystaǵy ortasha kórsetkishten 2,7 ese kóp. Ekinshi orynda 204 196 teńgemen qarjy jáne saqtandyrý salalarynyń qyzmetkerleri tur. Kólik jáne qoıma salasynyń qyzmetkerleri de alǵashqy úshtikke ilingen - ortasha 179 867 teńge.
Soltústik Qazaqstan oblysynda jalaqyǵa jarymaı otyrǵandar - óner, kóńil kóterý, ákimshilik jáne qosalqy qyzmet kórsetý salasynyń jumysshylary. Olar oblystaǵy eń tómengi kórsetkishti, ıaǵnı ortasha jalaqynyń úshten ekisin ǵana qanaǵat tutyp keledi.
