Jalaqyny kóterýdi suraǵyńyz kelse: aıtýǵa bolmaıtyn frazalar
ASTANA. 7 mamyr. QazAqparat - Jalaqyny kóterýdi suramastan buryn, aıtylatyn sózderdi ábden pysyqtap alý kerek.
Bul rette, atalmysh suraqpen bastyqqa kirgende aıtýǵa bolmaıtyn myna 5 fraza este bolý qajet.
Sheteldik basylymdardyń jazýynsha, qyzmettik mansappen kóterilý nemese eńbekaqyny arttyrý týraly kelissózderdiń barysynda áriptesińniń jalaqysy nemese seniń qıyn qarjylyq jaǵdaıyn áńgimege arqaý bolmaýy tıis.
«Mıhaıl, mennen aqshany artyq tabady, biraq ekeýimizdiń de atqaratyn jumysymyz birdeı»: Sizdiń bul sózderińizdi HR-menedjer jyly qabyldaı qoımas, sebebi mundaı derekter qupııa bolyp tabylady.
«Balaly boldym, aqsha qajet»: Qyzmet satysymen kóterilýge seniń qıyn jaǵdaıyń emes, kásibı jetistikteriń negiz bolýy tıis.
«Laýazymymdy joǵarylatpasańyz, jumystan ketemin»: Bul shyn bolsa da, onymen qorqytýdyń qajeti joq. Menedjerler aqymaq emes, sen jalaqyny kóterýdi surap kelgende qorqytý nıetińmen kelgenińdi birden túsinedi. Sondyqtan oıyńdy syrtqa shyǵarýdyń qajeti joq.
«Qyzmetim joǵarylaǵan sońǵy ýaqyttan beri bir jyl ótti»: Keıbir kompanııalarda qyzmetpen joǵarylaý úshin eńbek sińirý kerek - bul ýaqyt máselesi emes. Sondyqtan, nazardy merzimge emes, soǵan laıyq ekenińe aýdartý qajet.
«Men sizderde úsh aı jumys istedim. Biz jalaqy máselesin endi qarastyra alamyz ba?»: Sizder eńbekaqy týraly sońǵy birneshe aı buryn ǵana sóılestińizder - sondyqtan ony qaıta jasaýdyń qajeti joq. Tek, sizdiń eńbek jaǵdaıyńyzda ózgerister bolmasa ǵana. Jalaqyny kóterý máselesin bir jyldan keıin ǵana kóterińiz.
