Jalaqyny qorǵaý normalary memlekettik deńgeıde qamtamasyz etiledi
ASTANA. QazAqparat - Búgin Senattyń Áleýmettik-mádenı damý komıtetiniń keńeıtilgen otyrysynda «Jalaqyny qorǵaý týraly konventsııany (95-konventsııa) ratıfıkatsııalaý týraly» zań jobasy talqylandy. Konventsııa 1949 jyly 1 shildede Jenevada qabyldanǵan. Qujat jalaqyny qorǵaý normalaryn memlekettiń qamtamasyz etýin qarastyrady.
Konventsııa qabyldanǵan keıin jalaqyny qorǵaý baǵytyndaǵy halyqaralyq standarttardy odan ári engizýdi qamtamasyz etilip, elimizde osy saladaǵy halyqaralyq normalardyń saqtalýy men oryndalýy naqtylana túsedi. Konventsııanyń uıǵarymdary ekonomıkanyń barlyq salalaryna qatysty jáne jalaqy esepteletin nemese tólenetin adamdardyń barlyǵyna birdeı qoldanylady. Budan bólek, Konventsııada jalaqyny ýaqytyly jáne júıeli tóleýdiń, ony shekten tys ustap qalýlardan, kásiporyn bankrot bolǵan nemese taratylǵan jaǵdaıda jalaqyny qorǵaý qarastyrylady.
Jalaqydan ustap qalý jumyskerdiń ózin jáne óziniń otbasyn asyraı alatyndaı bolýyna ǵana negizdelmeı, sonymen shektelýge de tıis dep atap kórsetilgen. Qujatta eńbekshiniń jalaqy somasy men jalaqyny ustap qalý týraly aqparatty alý, sondaı-aq jalaqysyn óz erkimen paıdalaný quqyǵy da aıqyndalǵan.
Konventsııany Halyqaralyq Eńbek Uıymyna múshe 97 memleket qabyldaǵan. Al buǵan qajetti alǵysharttar búgingi tańda Qazaqstanda da qalyptasyp otyr.
Qujat palatanyń jalpy otyrysynda talqyǵa túsetin bolady.
