Jalaqylaryn kóterýdi talap etken kenshiler jumysqa shyqpaı qoıdy
QARAǴANDY. QazAqparat - «Qazaqmys» korporatsııasynyń kenshileri jalaqylaryn kóterýdi talap etip, jumys isteýden bas tartty, dep habarlaıdy «QazAqparat» HAA tilshisi.
Jumysshylar kompanııanyń Qaraǵandy oblysy Sátbaev qalasyndaǵy ákimshilik korpýsynyń aýmaǵyna jınalyp, basshylyqtan eńbek jaǵdaılaryn jaqsartýyn talap etken. Atap aıtqanda, olar eńbekaqylaryn 70 paıyzǵa joǵarlatýyn aıtty. 20 jyldyq eńbek ótili bar jumysshylardyń zeınetaqy tólemderin jalaqynyń 30 paıyzyna arttyrýyn ótindi. 
Sonymen qatar, olar «Qazaqmys» jumysshylary úshin saýyqtyrý-shıpajaılarynyń tegin bolýyn suraǵan.
Qaraǵandy oblysy ákiminiń baspasóz qyzmeti jaǵdaıdyń atqarýshy bılik organdarynyń nazaryna alynǵanan málim etti.
«30 qarasha kúni Ońtústik Jezqazǵan kenishi qyzmetkerleri men «Qazaqmys» korporatsııasy» JShS basshylyǵynyń arasynda eńbek daýy týyndady. Oblys ákimdigi men Sátbaev qalasy ákimdiginiń ókilderi, kompanııa basshylyǵy oqıǵa ornynda boldy. Kelissózder protsesi júrip jatyr. Jaǵdaı baqylaýǵa alyndy. Resmı málimdeme kelissózder aıaqtalǵannan keıin beriledi», - dep habarlady ákimniń baspasóz qyzmeti.
