Jalaqy tólemeý, zeınetaqy aýdarymyn júrgizbeý — Jylyoıda 924 jumysshynyń quqyǵy buzylǵan

ASTANA. QazAqparat - Jylyoı aýdanynyń prokýratýrasy aýdan aýmaǵynda jumysshylardyń eńbek quqyqtaryn buzý faktilerin anyqtady, dep habarlaıdy QazAqparat Atyraý oblysy prokýratýrasynyń baspasóz qyzmetine silteme jasap.

«Batys Teh Invest» JShS-niń jumysshylaryna eńbek aqylaryn tólemeý, sondaı-aq «JylyoıSý» MKK-men Teńiz ken ornynda «InterTasko» JShS-niń jumysshylaryna zeınetaqy jáne áleýmettik aýdarymdary júrgizilmeý jaǵdaılary anyqtaldy.

Prokýrorlyq qadaǵalaý aktileri negizinde 180 jumysshyǵa 32 mln teńge kóleminde eńbek aqylary jáne 744 jumysshylarǵa 48 mln teńge kóleminde zeınetaqy jáne áleýmettik aýdarymdary óndirildi.