Jalaqy keshikse, qyzmetker qaıda shaǵymdana alady
ASTANA. KAZINFORM – Jalaqy ýaqytynda tólenbegen jaǵdaıda qyzmetker memlekettik eńbek ınspektsııasyna shaǵymdana alady. Bul týraly Astana qalasy boıynsha Memlekettik eńbek ınspektsııasy komıteti departamenti basshysynyń orynbasary Murat Shákenov málimdedi.
Baspasóz konferentsııasynda spıkerden jalaqy birneshe kúnge keshiktirilgen jaǵdaıda qyzmetkerdiń qandaı quqyqtary bar ekeni suraldy.
– Eńbek kodeksinde belgilengen talaptar buzylǵan jaǵdaıda árbir qyzmetker, eń aldymen, memlekettik eńbek ınspektsııasyna júgine alady. Jalaqyny tóleý merzimi buzylsa, jumys berýshi Eńbek kodeksiniń 113-babyna sáıkes keshiktirilgen ár kún úshin ósimpul tóleýge mindetti, – dedi Murat Shákenov.
Aıta keteıik, buǵan deıin jumys berýshi eńbek sharty jasalǵannan keıin onyń talaptaryn qyzmetkerdiń kelisiminsiz ózgerte almaıtyny, eńbek shartyna engiziletin ózgerister taraptardyń kelisimimen rásimdeletinin jazdyq.
