Jalaǵashta surapyl jel úıler men ǵımarat shatyrlaryn ushyryp áketti
JALAǴASh. QazAqparat - Qyzylorda oblysy Jalaǵash aýdanynda ekpindeı soqqan jeldiń saldarynan turǵyn úı, mekeme ǵımarattary men elektr baǵanasynyń qulaý deregi tirkeldi, dep habarlaıdy QazAqparat tilshisi.
Qyzylorda oblysy tótenshe jaǵdaılar departamentiniń habarlaýynsha, maýsym aıynda Jalaǵash aýdanynda tabıǵattyń qolaısyz aýa-raıy turǵyndardy ábigerge saldy. Surapyl jel jeke turǵyn úıler men mekeme ǵımarattarynyń shatyrlary ushyryp ketti. Sondaı-aq, elektr baǵanasynyń qulaý oqıǵasy da tirkelgen.
«Sońǵy jyldarda Jalaǵash aýdanynda qatty jel men daýyl sekildi qolaısyz aýa-raıynan mekemeler men turǵyn úılerge birshama shyǵyn keldi. 2017 jyly 2 márte turǵyn úıler men mekeme shatyrlarynyń ushýy oryn aldy. Sondyqtan turǵyn úıler jáne áleýmettik-mádenı obektilerdiń qurylys jáne montajdaý jumystar sapasyna basa nazar aýdarylýy tıis. Olardyń sapasynyń nasharlyǵy jáne montajdaý jumystar kezinde arzan ári syn kótermeıtin materıaldardy qoldanýdyń sońy osyndaı olqylyqqa alyp keledi», - dep málim etti Jalaǵash aýdanynyń tótenshe jaǵdaılar bóliminiń mamandary.
