Jalaǵashta kúrekpen adam óltirgen jigit sottaldy
JALAǴASh. QazAqparat - Qyzylorda oblysy Jalaǵash aýdanynda temir kúrekpen adam óltirgen qylmyskerge qatysty sot úkimi shyqty, dep habarlaıdy QazAqparat tilshisi.
Oqıǵa barysy bylaı órbigen. Sottalýshy A. jábirlenýshi D-men janjaldasyp qalady. Sol janjal barysynda ol jábirlenýshiniń bas súıeginiń mańdaı tusynan temir kúrekpen soqqy jasaıdy.
«Osylaısha jábirlenýshiniń densaýlyǵyna qasaqana aýyr zııan keltirgen. Alǵan jaraqatynan jábirlenýshi kóz jumdy. Onyń ústinen QR Qylmystyq kodeksiniń 106-baby, 3-bóligimen qylmystyq is qozǵaldy», - dep málim etti Jalaǵash aýdandyq sotynyń baspasóz qyzmeti.
Jalaǵash aýdandyq sotynyń úkimimen sottalýshy A.-ǵa 8 jyl merzimge bas bostandyǵynan aıyrý jazasy taǵaıyndaldy. Ol jazasyn qylmystyq-atqarý júıesiniń ortasha qaýipsiz mekemelerinde óteıdi.
Budan buryn parany bank kartochkasyna aýdarýdy talap etken polıtseı jazalanǵanyn habarlaǵan edik.
