Jalaǵash kúrishi eksportqa shyǵaryla bastady

JALAǴASh. QazAqparat - Qyzylorda oblysy Jalaǵash aýdanynyń dıqandary kúrishti Reseı, Qyrǵyzstan, Ózbekstan, Tájikstanǵa eksportqa shyǵara bastady, dep habarlaıdy QazAqparat tilshisi.

Bıyl aýdanda 36,7 myń gektarǵa aýyl sharýashylyǵy daqyldary egildi. Onyń kúrish 21,6 myń gektarynda kúrish ósirildi. Jergilikti dıqandar kúrishti tolyqtaı oryp, ony bastyrdy.

Jyl basynan beri aýdannan eksportqa 5 067 tonna kúrish shyǵaryldy. Onyń ishinde Reseıge 1 673, Qyrǵyzstanǵa 680, Ózbekstanǵa 2 306, Tájikstanǵa 408 tonna jóneltildi. Bıyl aýyl sharýashylyǵy ónimin óndirý áleýmettik-ekonomıkalyq damý kórsetkishiniń boljamyna sáıkes 19,5 mlrd teńgege jetedi dep josparlanyp otyr.

«Aýdanda kúrish salasyndaǵy iri kásiporynnyń biri «Agro Holdıng Qyzylorda» JShS óńirde 42 sharýashylyq nysanymen 1 mlrd 28 mln teńgege fıýchers kelisimshartan jasady. Ol 14 692 tonna. Onyń ishinde, aýdandaǵy 22 sharýashylyq 364 mln teńge nemese 5 201 tonna qara kúrishke fıýchers kelisimshartyn jasady. Qazirgi tańda sharýashylyq qurylymdary kelisim-shartqa sáıkes kúrish ótkizýde», - dedi aýdan ákimi Asylbek Shámenov.

Aıta keterligi, Jalaǵashta bron keýdeshe men áskerı dýlyǵa (kaska) jasaıtyn óndiris orny bar.