Jaqyp Asanov Joǵarǵy sottyń jańa tóraǵasy retinde qandaı ýáde berdi

ASTANA. QazAqparat - QR Joǵarǵy sotynyń jańa tóraǵasy Jaqyp Asanov Qazaqstan halqynyń senimin aqtaý úshin aıanbaı eńbek etetindigin aıtyp, ýáde berdi, dep habarlaıdy QazAqparat.

«Eń basty qundylymyz - ol halyqtyń senimi. Sondyqtan barlyq kúsh-jigerimdi, bilimdi soǵan jumsaımyn. Qazir depýtattardyń aldynda soǵan ýáde berdim. Menińshe, bul úlken baqyt, elińe qyzmet etý - úlken mártebe. Sondyqtan qandaı jaýapkershilik ekendigin jaqsy túsinemin. Barymdy salyp jumys isteımin dep barlyq Qazaqstan halqyna ýáde beremin»,- dedi Jaqyp Asanov kandıdatýrasyn Senat depýtattary qoldaǵannan keıin BAQ ókilderine bergen suhbatynda.

Sonymen qatar Jaqyp Asanov QR Bas prokýrory retinde biraz jumys atqarǵanyn da aıtty.

«Eń aldymen prokýratýraǵa qatysty konstıtýtsııalyq bap ózgerdi. Qazir prokýratýranyń jańa mıssııasy, jańa strategııasy bar. 22 jyl ózgermegen zań ózgertildi. Bizdiń tarıhymyzda alǵash ret prokýratýranyń qurylymyn Elbasy bekitti. Buryn bolmaǵan nárse, qurylym Keńes Odaǵy kezinen ózgermeı kele jatqan edi», - dedi ol.