Jaqyp Asanov jeti bastamasyn qalaı iske asyratynyn aıtty

ASTANA. QazAqparat - QR Joǵarǵy sotynyń tóraǵasy Jaqyp Asanov óziniń jeti bastamasyn qalaı iske asyratynyn aıtty. Atalǵan jumystyń negizinde sot júıesin damytýdyń jańa tujyrymdamasy ázirlenedi, dep xabarlaıdy QazAqparat tilshisi.

Jaqyp Asanovtyń aıtýynsha, búginde árbir jeti joba boıynsha jumys toptary quryldy. Atalǵan jobalardyń ishinde minsiz sýdıany qalyptastyrýdan bastap elektrondy sotqa deıingi barlyq máseleler eskerilgen.

"Kelesi aptada biz jobalyq keńseni jabdyqtaýdy aıaqtaımyz. Búginde árbir komandanyń quramy bekitildi. Bir komandada eki adam bar. Olar jobalardy iske asyrýmen ǵana aınalysady. Árbir jobanyń texnıkalyq jaǵy bar, ádistemelik jaǵy bar, jobalyq keńse sonyń bárin úılestiretin bolady. Sottyń basqa qyzmetkerleri de osy jumysqa atsalysady. Komandalardyń barlyq oı-ıdeıalary negizinde sot júıesin damytýdyń jańa tujyrymdasy ázirlenedi", - dedi J.Asanov Joǵarǵy sot janyndaǵy Halyqaralyq keńestiń búgingi otyrysynda.

Aıta keteıik, keńes otyrysynda jańa Ákimshilik rásimdik-protsestik kodeksiniń jobasy talqylandy. Osy oraıda sheteldik jáne otandyq sarapshylar atalǵan qujatqa qatysty óz oılaryn ortaǵa saldy. Bas sýdıa Jaqyp Asanovtyń aıtýynsha, osy aıda jańa kodeks Úkimetke tanystyrylady. Al tamyz aıynda Parlamenttiń qaraýyna engiziledi.