Jaqyp Asanov tanys arqyly prokýratýraǵa ornalasý múmkindigin alyp tastaýǵa ýáde etti

ASTANA. QazAqparat - QR Bas prokýrory Jaqyp Asanov prokýratýra organdaryna ornalasý úshin tanys izdeýdiń qısyny joq ekendigin xabarlady.

Bas prokýratýranyń alqa májilisinde Jaqyp Asanov, Memleket basshysynyń «100 naqty qadam» Ult jospary aıasynda jasalatyn reformalardyń negizinde memlekettik apparatqa tek eń úzdikter irikteletinin basa aıtty.
«Birinshiden, jylyna 30 myń zańger oqytylyp jatyr. «100 naqty qadam» joǵary oqý oryndarynan sapaly maman suraıdy. Bizdiń qatarymyzǵa nemese sotqa jumysqa turý bilimsiz múmkin bolmaıdy. Tanys izdeýdiń de qısyny bolmaıdy. Ekinshiden, kandıdattardyń ómir salty. Stýdenttik kezden bastap, olardyń azamattyq ustanymdary, áleýmettik jobalarǵa qatysýy da eskeriletin bolady», - dedi ol.