Jaqyp Asanov: Sýdıalardyń «qoly baılaýly»
«Azamattyq sot óndirisi salasynda protsess barysynda sýdıanyń ókilettigin keńeıtý jumystaryn jalǵastyramyz. Azamattyq is júrgizý kodeksindegi sýdıaǵa istiń barlyq mán-jaıyn anyqtap, daýdy tıimdi sheshýge tosqaýyl bolatyn kedergilerdi joıý qajet. Sýdıalarǵa kóp qoıylatyn narazylyq sońyna deıin nege baıybyna barmadyń, daýdy nege egjeı-tegjeıli sheshpediń bolyp keledi. Biraq, shynymen de sýdıanyń «qoly baılaýly». Azamattyq is júrgizý kodeksi boıynsha da shekteýi bar, ol óz bastamasymen istegi qosymsha mán-jaılardy zerdeleı almaıdy. Ol taraptardyń suraýy men olardyń usynǵan dáıekteri sheginde ǵana jumys isteıdi», - dedi Joǵarǵy sot tóraǵasy.
Onyń aıtýynsha, adamdar sýdıalardyń jumysyn naqty nátıjege baılanysty baǵalaıdy jáne Azamattyq is júrgizý kodeksindegi shekteýlerdi bile bermeıdi.
«Keıde maǵan muny artynan «bizdiń esh qatysymyz joq, quqyǵymyz da joq» dep aıtý úshin ádeıi jasaǵandaı kórinedi. Sebebi bizde sýdıany istiń baıybyna tolyq barmaǵany úshin jaýapkershilikke tartý óte qıyn. Tipti ol talap durys jazylmaǵandyǵyn, oǵan basqasha jaýap bergende onyń jeńiske jetetindigin kórip turady. Biraq, biz sýdıalar tipti sybyrlap aıtýǵa da quqyǵy joq dep bekitip qoıǵanbyz», - dedi ol.
Jaqyp Asanov dál osy máselelerdi ulybrıtanııalyq áriptesterimen talqylaǵandyǵyn, olar sýdıalardyń mundaı jaǵdaıyna tań qalǵanyn aıtty.
«Olarda sýdıa istiń mán-jaıyn anyqtaý úshin tereń boılaı alady, esh shekteý joq. Maqsat bireý - shyndyqtyń túbine jetý. Sondyqtan Azamattyq is júrgizý kodeksi túzetýlerge daıyn. ıAǵnı, sýdıa ádil sheshim shyǵarý úshin jaǵdaıdy jan-jaqty túsinýi tıis», - dedi ol.
