Jaqyp Asanov sottardyń ne úshin synǵa ushyraıtynyn aıtty

ASTANA. QazAqparat - Búgin sot tóreligin júzege asyrýdyń 2017 jylǵy qorytyndysyna arnalǵan keńeıtilgen keńeste QR Joǵarǵy sotynyń tóraǵasy Jaqyp Asanov qazaqstandyqtardyń ne úshin sottardy synaıtyndyǵyn aıtyp berdi, dep habarlaıdy QazAqparat.

«Sottardy ne úshin synaıdy? Qylmystyq istegi basty syn - sot aıyptaýǵa beıimdilikti juqtyrǵan deıdi. Tergeýshi materıaldy jınaıdy da olardy dálel dep tanıdy. Onyń dálel ne dálel emestigin aıtyptaýshy tarap sheshedi. Qorǵashýy tarapta mundaı quqyq joq. Bul teńquqylyq ustanymyn buzady. Sondyqtan da sarapshylar dálelderdi polıtsııa da emes, prokýror da emes tek sot taný qajet dep sanaıdy. Sot aldyn ala dáleldermen baılanysty bolmaýy jáne aıyptaý dáıekterine beıim bolmaýy qajet. Іsti oqyǵan kezden-aq, portsesske deıin sýdıada aıyptalýshynyń kináli ekendigine paradıgma qalyptasady. Ol aıyptaý rýhyn sińiredi. Odan keıin qorǵaýshy taraptyń dáleldemesin qabyldaý qıynǵa soǵady», - dedi ol.

Sonymen qatar ol aıyptaý aktileri tilindegi olqylyqtarǵa da toqtaldy. Onyń aıtýynsha, aktiler «jasady», «urlady» dep aıyptaý túrinde jazylady. Al halyqaralyq sotta aıyptaýshy tarap «boljaý», «málimdeý» syndy sózdermen keltiredi.

«Bul praınıng áseri dep atalady. Bastapqy dáıekter adamnyń odan arǵy minez-qulqyna yqpal etedi. Bul rette - sýdıaǵa. Sýdıanyń basynda paradıgma qalyptasady jáne atalǵan paradıgmanyń avtory aıyptaýshy tarap. Bul jaıt aqtaý úkimderiniń nebári 0,2 paıyz bolý sebebi emes pe? Men aıyptaýshy tarap prokýror bolatyn ister jaıynda aıtyp otyrmyn. Bul úkimderdiń 99,8 paıyzy aıyptaý bolǵandyǵyn kórsetedi. Sondyqtan sarapshylar sotqa barlyq qylmystyq isti emes, tek qana aıyptaý aktisin ǵana berýdi usynady», - dedi Jaqyp Asanov.