Jaqyp Asanov: Qylmysty eńserýdiń birden-bir joly - jumyssyzdyqpen kúresý
«Sońǵy 20 jylda aýyr jáne asa aýyr qylmystar, ásirese kisi óltirý, densaýlyqqa aýyr zııan keltirý, qaraqshylyq jyldan jylǵa azaıyp kele jatyr. 1990-shy jyldarǵa qaraǵanda kisi óltirý 3 ese kemidi. Ol kezde 2,5 myń, qazir - 800-deı. Densaýlyqqa aýyr zııan keltirý 6 myń bolsa, qazir - 1,5 myń», - dedi ol.
Osy oraıda Bas prokýror 90-shy jyldary qandaı qıyn bolǵanyn bárimiz jaqsy biletindikten salystyrý durys emes bolýy múmkindigin de ashyq aıtty.
«Onda KSRO-nyń eń jaqsy 80-shi jyldaryn alyp kóreıik. Kisi óltirý ol kezde 1,5 myń, búgin - 800, 2 ese az. Densaýlyqqa aýyr zııan keltirý de 2 ese kemidi. Biraq, kópshilik qazirgi jaǵdaı odan saıyn nashar dep oılaıdy. Nege? Óıtkeni, mundaı statıstıka buryn jabyq bolǵan. Halyq eshteńe bilmegen. Qazir aqparat ınternette tez tarap, qylmys kóbeıip jatqan sııaqty», - dedi ol.
J.Asanov jumyssyzdyq pen qylmys problemalary bir-birimen tyǵyz baılanysty ekendigin de atap ótti.
«Sebebi byltyr elimizde qylmys jasaǵandardyń 84 paıyzy - tabysy joq adamdar. Qylmystyń aldyn alý úshin eń aldymen, halyqty jumyspen qamtý kerek. Jumys ornyn kim ashady? Árıne, bıznes. Sondyqtan Elbasymyz kásipkerlikti qorǵap, damytý kerek dep qaıta-qaıta aıtyp júr», - dedi Bas prokýror.