Jaqyp Asanov birqatar eldiń bas prokýrorlarymen lańkestikpen kúres jaıyn talqylady
Forýmda álemniń 80-nen astam elderiniń joǵary qadaǵalaý organdarynyń basshylary bas qosty.
Ashylý rásiminde Irlandııa Respýblıkasy Memlekettik prokýratýrasynyń basshysy Kler Loftýs pen Halyqaralyq prokýrorlar qaýymdastyǵynyń Prezıdenti Gerhard ıArosh sóz sóıledi.
Kún tártibindegi basty taqyryptar prokýrorlar men tergeýshiler qarym-qatynasy, ózara quqyqtyq kómek týraly halyqaralyq shartardyń róli, kıberqylmyspen, sybaılas jemqorlyqpen, terrorızmmen jáne qylmystyń basqa da uıymdasqan túrlerimen kúresý, halyqaralyq qylmystyq sot tóreligi jáne daǵdarys jaǵdaıyndaǵy turmystyq máseleler boldy.
Forýmǵa qatysýshylar transulttyq uıymdasqan qymystyń aldyn-alý, adam quqyqtarynyń kepilin qamtamasyz etý, ádil sot, zań ústemdigi, qylmystyq jolmen tabylǵan kirister pen aktıvterdi qaıtarý mehanızmderin retteý úshin prokýratýra organdary arasyndaǵy halyqaralyq yntymaqtastyqty nyǵaıtý, tájirıbe jáne aqparat almasýdy belsendendirý qajettiligin atap ótti.
Qatysýshylardyń ortaq pikiri boıynsha kún tártibi máselelerin talqylaýdyń ózektiligi halyqaralyq jáne aımaqtyq qaýipsizdikti qamtamasyz etý, qoǵam jáne memleket múddelerin qorǵaý boıynsha ár túrli elderdiń qadaǵalaýshy organdarynyń kúshterin jumyldyrýǵa ýaǵdaly.
Forým aıasynda J.Asanovtyń Dýbaı Ámirlikteri, Irlandııa Respýblıkasy, Kanada, Taıland, Túrkııa, Chehııa, Shveıtsarııa bas prokýrorlarymen, Saýd Arabııasy men Ázerbaıjan bas prokýrorlarynyń orynbasarlarymen, sondaı-aq HPQ basshylyǵymen kelissózderi ótkizildi. Áriptester halyqaralyq uıymdasqan qylmyspen, esirtki saýdasy, ekstremızm jáne lańkestikpen kúresý aıasyndaǵy yntymaqtastyqtyń mańyzdy máseleleri boıynsha pikir almasty. Sonymen qatar sharttyq-quqyqtyq bazany keńeıtý jáne kúsheıtý, jedel aqparat almasý máseleleri qozǵaldy.
Kelissózder barysynda ózara yntymaqtastyqtyń ózekti máseleleri jáne bolashaǵy talqylandy. Suhbattasýshylar transulttyq uıymdasqan qylmyspen, ekstremızm jáne terrorızmmen, esirtki saýdasymen kúresý boıynsha ózara yqpaldastyq, sonymen qatar adam quqyqtaryn qorǵaý, sharttyq-quqyqtyq negizdi nyǵaıtý, jedel aqparat jáne jumys tájirıbesimen almasýǵa qatysty pikir almasty.
