Jaqyp Asanov aqtóbelik oqýshylardy teris ıdeologııanyń qurbany bolmaýǵa shaqyrdy
«Sender áli jassyńdar. Eresek ómirge bir-eki jylda attanasyńdar. Osy kezden bastap bolashaqty oılap, jaman nárseden alys júrińder. Ekstremıster álsiz, sanasy qalyptaspaǵan, kóngish, sengish jastardy ózderine tartyp jatyr. Aqsha berip, senimine kirip jatqan jaǵdaılar az emes. Onyń arǵy jaǵy belgili. Sanalaryn ábden ýlap, qoldaryna qarý ustatyp, qylmysqa ıtermeleıdi. Ózderi teraktini tek syrttan baqylap, ańqaý jastardy ólimge jumsaıdy. Qoljaýlyq retinde paıdalanady», - dep atap ótti J.Asanov.
Sondyqtan Bas prokýror oqýshylarǵa keleshegi jarqyn bolýy úshin boılaryn ekstremızm, terrorızm degen báleden aýlaq ustaýǵa shaqyrdy.
«Ómir kórgen, jasy úlken, jany ashıtyn aǵalaryń retinde aıtamyn. Túbinde bul problema sheshiledi. Búkil álem olarǵa qarsy shyǵyp, bul qaýip tamyrymen qurıdy. Biraq, sol eki ortada talaı adam qurban bolýy múmkin. Qatelespeıtin adam bolmaıdy. Jas adam maksımalızmge urynshaq. Sondyqtan biz bunyń aldyn alaıyq, halyqqa túsindireıik, jastarǵa durys baǵyt bereıik dep aldaryńyzǵa kelip otyrmyz», - dedi Bas prokýror.
