Jaqynyńa janashyr bol: Almatyda koronavırýs juqtyrǵan 62 naýqastyń jaǵdaıy aýyr
ALMATY. QazAqparat – Almatyda jaǵdaıy aýyr naýqastardyń sany artty. Bul týraly qalalyq Qoǵamdyq densaýlyq saqtaý basqarmasynyń basshysy Kamaljan Nadyrov málim etti, dep habarlaıdy QazAqparat tilshisi.
Onyń aıtýynsha, búgingi kúni juqpaly aýrýlar statsıonarlarynda 1226 adam jatyr, onyń ishinde 57 bala bar. Barlyq emdeýge jatqyzylǵandar arasynd 5 adamnyń jaı-kúıi óte aýyr, 62-inde – aýyr, 575 adamda – aýyrlyqtyń ortasha dárejesinde, 584 adamda – qanaǵattanarlyq jaǵdaıda, sımptomsyz – 55 adam.
«Ókinishke oraı, biz jaǵdaıy aýyrlaǵan patsıentter sanynyń ósip kele jatqanyn kórip otyrmyz. Sońǵy aptalarda olardyń sany is júzinde 36-dan 62 adamǵa deıin ósti «,– deıdi Kamaljan Nadyrov.
