Jaqynda respýblıkalyq bıýdjet shyǵystarynyń baǵyttary naqtylanady - Erulan Jamaýbaev
«Jergilikti ózin-ózi basqarý organdary úshin satyp alý tártibin jeńildetýge qatysty toqtalsaq, bıýdjettiń tórtinshi deńgeıi aıasynda júzege asyrylatyn satyp alýdy ońaılatý maqsatynda memlekettik satyp alý týraly shartty tikeleı jasasý arqyly bir kózden alý tásilimen taýarlardy, jumystar men kórsetiletin qyzmetterdi 3 myń eselengen aılyq eseptik kórsetkish mólsherine deıin satyp alý normasy kózdelgen. Osylaısha, jergilikti ózin-ózi basqarý organdary bir kózden satyp alýdy ońaılatylǵan tártippen júrgizýge asyrýǵa múmkindigi bar», - dedi E. Jamýbaev.
Onyń aıtýynsha, jergilikti ózin-ózi basqarý organdaryn qaıta qurýdy eskere otyryp, satyp alý tártibin odan ári ońaılatý «Jergilikti ózin-ózi basqarý týraly» zań jobasy sheńberinde pysyqtalatyn bolady.
«Jumysta formalızm men artyq rásimderdi joıýǵa, jergilikti ónim berýshilerdi qoldaýǵa jáne jumys oryndaryn ashýǵa, halyqtyń satyp alý protsesine jáne sharttardyń oryndalýyna baqylaýdy júzege asyrýǵa qatysýyna basa nazar aýdarylatyn bolady. Jalpy, Memleket basshysynyń Joldaýynda Qarjy mınıstrliginiń quzyretine qatysty basqa da tapsyrmalar bar. Olar boıynsha tıisti usynystar ýákiletti memlekettik organdarǵa usynylatyn bolady», - dedi mınıstr.
«Jaqynda aǵymdaǵy jylǵa arnalǵan respýblıkalyq bıýdjet shyǵystarynyń parametrleri men baǵyttaryn naqtylaý kútilýde. Prezıdenttiń tapsyrmalaryn iske asyrý boıynsha barlyq josparlanǵan sharalar ýaqtyly qabyldanyp, qajetti qarjy máseleler bıýdjettik baǵdarlamalar ákimshilerimen birlesip pysyqtalatyn bolady», - dedi vedomstvo basshysy.
