Jaqynda «Maıkrosoft» Windows operatsııalyq júıesiniń kelesi nusqasyn jarııalaıdy
ASTANA. QazAqparat - «Maıkrosoft» korporatsııasy Windows operatsııalyq júıesiniń kelesi nusqasyn 30 qyrkúıek kúni tanystyrady, dep habarlady ITAR-TASS.
The Verge basylymnyń habarlaýynsha, qurýshylar úshin jasalǵan operatsııalyq júıeniń beta-nusqasy Threshold degen ataýmen tanystyrylady.
Sarapshylardyń aıtýynsha, bul operatsııalyq júıege barlyq qoldanýshylar 2015 jyldyń kókteminde qol jetkize alady.
Atalǵan shara kompanııaǵa jańa basshy Satıa Nadella kelgennen keıingi eń aıtýyly jańalyq bolmaq. Ol Microsoft-tyń «ardager» jetekshisi Stıv Balmerdiń ornyn basqan bolatyn. Kompanııanyń eks-basshysy 19 tamyzda qyzmetinen ketken bolatyn.
