Jaqynda ıslam banki ashylady
ASTANA. 13 qarasha. QazAqparat - Afrıka qurylyǵyndaǵy Zımbabve elinde jaqyn arada ıslam banki ashylady, dep habarlady muslim.kz.
Qazirgi ýaqytta Zımbabve ortalyq banki, qarjy mınıstrligi jáne musylman jamaǵaty arasyndaǵy kelissóz bastalyp ta ketti. Bul kelissózge elge ıslamı qarjynyń qajettiligin sóz etetin musylman jamaǵatynyń atynan Ashıraı Mavere de qatysady.
Bir aıta keterligi, ıslam banki álemniń kem degende 50 elinde óz bazasyn qalyptastyrǵan uıym. Olardyń ishinde AQSh, Ulybrıtanııa, Frantsııa, Japonııa, Sıngapýr, Saýd Arabııasy, Germanııa, Qytaı jáne Malaızııa sekildi ekonomıkasy órkendegen alyp elder de bar.
Ashıraı Mevreniń sózine qaaraǵanda, ıslam bankıngi qarjy salasyndaǵy qordalanyp qalǵan kóptegen máselelerdiń sheshimin tabýǵa septigin tıgizedi. Zımbabvedegi musylmandar sany halyqtyń tek bir-aq paıyzyn quraıdy.
