Jaqynda el kınoteatrlarynda «Muhammed (s.ǵ.s.) - sońǵy elshi» atty mýltıplıkatsııalyq fılm kórsetile bastaıdy

dep habarlaıdy QazAqparat Qazaqstan Musylmandary Dinı basqarmasynyń saıtyna silteme jasap.

«Muhammed (s.ǵ.s.) - sońǵy elshi» mýltıplıkatsııalyq fılmi musylmandyqtyń qalyptasý kezeńin naqty jáne qyzyqty sýretteıdi. Bul mýltfılm ózimizge jáne perzentterimizge Muhammed (s.ǵ.s.) paıǵambarmen jáne onyń ómirimen jaqynyraq tanysýǵa kómektesedi.
Ondaǵy oqıǵalar bizdiń zamanymyzdyń 600 jyldarynda ótken. Taıaý Shyǵys soǵys-janjalmen ydyrap, adamdar arasyndaǵy tynyshtyq buzylyp, tek bılik pen altynǵa, qan qunynyna qumarlyq ábden taraǵan kez. Mine, osynaý adamdyqtan alshaqtaı bastaǵan qarańǵylyq dáýirinde Allanyń sońǵy elshisi Muhammed (s.ǵ.s.) adamzat balasyna aqıqat nuryn - Alla Kálamyn alyp keledi. Sóıtip dúnıe qumarlyqtarynan, nápsiniń shyrmaýynan qutylǵan jandar búkil álemderdiń Iesi - Alla Taǵalaǵa ıman keltiredi», delingen Basqarma taratqan aqparatta. Qazaq jáne orys tilindegi mýltfılm sáýirdiń 29-ynan bastap kórsetiledi dep josparlanýda.