Jaqynda Býrabaıda «Men chempıon» telejobasy túsirilmek
KÓKShETAÝ. QazAqparat - Aǵymdaǵy jyldyń qazan-qarasha aılarynda Býrabaıda "Kóńildi start" baǵdarlamasynyń balamasy "Men chempıon" televızııalyq jobasyn júzege asyrý kózdelip otyr. Bul týraly Aqmola oblysy ákiminiń orynbasary Marat Iǵalı əleýmettik jeli arqyly óz josparymen bólisti, dep habarlaıdy QazAqparat tilshisi.
Aqmola oblysynyń əkimi orynbasarynyń sózinshe, bul Qazaqstandaǵy túrli qashyqtyqta balalar komandalary jarysatyn sporttyq oıyn bolmaq.
"Esterińizde bolsa, jeńiske degen jiger tanytqan "Arqan tartyp jatqan oraldyq bala" vıdeosıýjetin mıllıonǵa jýyq adam kórgen edi. Osy bala jarysqa qatysatyn bolady. Endi "Men chempıon" televızııalyq jobasy Aqmola oblysynda túsiriletin bolady.
Qazaqstan jəne kórshi elderdegi balalar komandalaryn osy jarysqa qatysýǵa shaqyramyn", dep jazdy M.Iǵalı Feısbýk paraqshasynda.
